കശ്മീര്‍ ഇന്ത്യയുടേത്; തര്‍ക്ക പ്രദേശമല്ല; ജി–20 യില്‍ ചൈനയെ തള്ളി ഇന്ത്യ

കശ്മീര്‍ തര്‍ക്കപ്രദേശമാണെന്നും അവിടെ നടത്തുന്ന ജി–20 യോഗം അംഗീകരിക്കില്ലെന്നുമുള്ള ചൈനയുടെ നിലപാട് തള്ളി ഇന്ത്യ. കശ്മീര്‍ ഇന്ത്യയുടെ സ്വന്തം ഭൂപ്രദേശമാണെന്നും പരിപാടി നടത്താന്‍ ഇന്ത്യയ്ക്ക് പൂര്‍ണ സ്വാതന്ത്ര്യമുണ്ടെന്നും ഇന്ത്യ വ്യക്തമാക്കി. ചൈനീസ് വിദേശകാര്യ വക്താവാണ് തര്‍ക്ക പ്രദേശത്തെ യോഗം അംഗീകരിക്കില്ലെന്നും ചൈന പങ്കെടുക്കില്ലെന്നും നിലപാടറിയിച്ചത്. ജി–20 രാജ്യങ്ങളിലെ 60 പ്രതിനിധികളാണ് മേയ് 22 മുതല്‍ 24 വരെ കശ്മീരില്‍ നടക്കുന്ന യോഗത്തില്‍ പങ്കെടുക്കുക. തുര്‍ക്കിയും സൗദിയും ഇതുവരെയും റജിസ്റ്റര്‍ ചെയ്തിട്ടില്ല.