ഈ ഗാനം ഇങ്ങനെയും പാടാം; മാമ്പഴ കച്ചവടക്കാരന്‍റെ പാട്ടിന് കയ്യടിച്ച് സോഷ്യല്‍ മീഡിയ
മാമ്പഴം വില്‍ക്കാനായി ഷക്കീറയുടെ 2010-ൽ പുറത്തിറങ്ങിയ ‘വക്കാ വക്ക’ ഗാനമാണ് ഇയാള്‍ തിരഞ്ഞെടുത്തത്. മാമ്പഴം വാങ്ങാൻ ആളുകളെ പ്രേരിപ്പിക്കുന്ന തരത്തില്‍ ആ ഗാനത്തിന്‍റെ വരികള്‍ മാറ്റി രസകരമായാണ് അയാള്‍ പാടുന്നത്.
https://www.instagram.com/reel/CtalAQro01x/?igshid=MTc4MmM1YmI2Ng==
ഉപഭോക്താക്കളെ ആകർഷിക്കുന്നതിനായി കച്ചവടക്കാര്‍ പല തന്ത്രങ്ങളും പരീക്ഷിക്കാറുണ്ട്. ചിലര്‍ വിചിത്രമായ ഫുഡ് കോമ്പിനേഷനുകൾ തയ്യാറാക്കിയാകും ഉപഭോക്താക്കളെ ആകർഷിക്കാന്‍ ശ്രമിക്കുന്നത്. എന്നാല്‍ പാക്കിസ്ഥാനിൽ നിന്നുള്ള ഒരു പഴക്കച്ചവടക്കാരൻ പാട്ടുപാടിയാണ് തന്‍റെ കച്ചവടം നടത്തുന്നത്.
മാമ്പഴം വില്‍ക്കാനായി ഷക്കീറയുടെ 2010-ൽ പുറത്തിറങ്ങിയ ‘വക്കാ വക്ക’ ഗാനമാണ് ഇയാള്‍ തിരഞ്ഞെടുത്തത്. മാമ്പഴം വാങ്ങാൻ ആളുകളെ പ്രേരിപ്പിക്കുന്ന തരത്തില്‍ ആ ഗാനത്തിന്‍റെ വരികള്‍ മാറ്റി രസകരമായാണ് അയാള്‍ പാടുന്നത്. “സാമിനാമിന, ഏ, ഏ, മാമ്പഴം മാമ്പഴം, ഏ, ഏ സാമിനാമിന സങ്കലേവാ… ഇത് 200 രൂപയ്ക്ക്” – എന്നാണ് അദ്ദേഹം പാടുന്നത്.
കുട്ടികൾക്കായി മാമ്പഴം വാങ്ങാനും ജ്യൂസ് തയ്യാറാക്കി നല്‍കാനും അദ്ദേഹം ആളുകളെ പ്രേരിപ്പിക്കുന്നുമുണ്ട്. ഇന്‍സ്റ്റഗ്രാമിലൂടെ ആണ് ഇതിന്‍റെ വീഡിയോ പ്രചരിക്കുന്നത്. 5.6 ദശലക്ഷത്തിലധികം വ്യൂസ് ആണ് ഈ വീഡിയോയ്ക്ക് ലഭിച്ചത്. നിരവധി പേര്‍ വീഡിയോ ലൈക്ക് ചെയ്യുകയും കമന്‍റുകള്‍ രേഖപ്പെടുത്തുകയും ചെയ്തിട്ടുണ്ട്. മികച്ച വിൽപ്പന തന്ത്രം എന്നാണ് പലരും അഭിപ്രായപ്പെട്ടത്. ‘എന്തൊരു പ്രതിഭ! ഒരു ഗായകനാകാമായിരുന്നു’ – എന്നാണ് ഒരാള്‍ കമന്‍റ് ചെയ്തത്.
https://www.instagram.com/reel/CtalAQro01x/?igshid=MTc4MmM1YmI2Ng==
