വിൽപ്പനയുടെ ഭാഗമായി, ഫ്ലിപ്പ്കാർട്ട് അവരുടെ ഉപഭോക്താക്കൾക്ക് കിഴിവ് വാഗ്ദാനം ചെയ്യുന്നതിനായി ഐ സി ഐ സി ഐ ബാങ്ക്, ആക്സിസ് ബാങ്ക് എന്നിവയുമായി സഹകരിക്കും. വിൽപ്പന സമയത്ത് വാങ്ങുന്നവർക്ക് 10% തൽക്ഷണ കിഴിവ് ലഭിക്കുമെന്നാണ് അറിയാൻ കഴിയുന്നത്.
ഓൺലൈൻ കൊമേഴ്‌സ് ഇ- പ്ലാറ്റ്‌ഫോമായ ഫ്ലിപ്കാർട്ട് അതിന്റെ ബിഗ് ബില്യൺസ് ഡേയ്‌സ് വിൽപ്പനയുടെ മറ്റൊരു പതിപ്പുമായി വീണ്ടും തിരിച്ചെത്തുന്നു. ഇ-ടെയ്‌ലർ അതിന്റെ വെബ്‌സൈറ്റിലും മൊബൈൽ പ്ലാറ്റ്‌ഫോമിലും വിൽപ്പനയുമായി ബന്ധപ്പെട്ട വിവരങ്ങൾ പുറത്തു വിടാൻ ആരംഭിച്ചിട്ടുണ്ട്. രാജ്യത്ത് വരാനിരിക്കുന്ന ഉത്സവ സീസണിന് അനുബന്ധമായാണ് ഈ വിൽപനയെന്ന് ഫ്ലിപ്കാർട്ട് അറിയിച്ചു. വിൽപ്പനയുടെ ഭാഗമായി ഫ്ലിപ്പ്കാർട്ട് എല്ലാ വിഭാഗങ്ങളിലുമുള്ള മിക്കവാറും എല്ലാ ഉൽപ്പന്നങ്ങളുടെയും ഡീലുകളും ഡിസ്കൗണ്ടുകളും ഓഫറുകളും വാഗ്ദാനം ചെയ്യുമെന്നാണ് പ്രതീക്ഷിക്കുന്നത്. അതേ സമയം ബിഗ് ബില്യൺ ഡേയ്‌സ് 2022 വിൽപ്പനയുടെ തീയതി സംബന്ധിച്ചുള്ള വിവരങ്ങളൊന്നും ഇ-കൊമേഴ്‌സ് കമ്പനി ഇതു വരെ വെളിപ്പെടുത്തിയിട്ടില്ല. വരും ദിവസങ്ങളിൽ തന്നെ വിൽപ്പന തീയതികൾ പ്രഖ്യാപിക്കുമെന്ന് പ്രതീക്ഷിക്കാം.
വിൽപ്പനയുടെ ഭാഗമായി, ഫ്ലിപ്പ്കാർട്ട് അവരുടെ ഉപഭോക്താക്കൾക്ക് കിഴിവ് വാഗ്ദാനം ചെയ്യുന്നതിനായി ഐ സി ഐ സി ഐ ബാങ്ക്, ആക്സിസ് ബാങ്ക് എന്നിവയുമായി സഹകരിക്കും. വിൽപ്പന സമയത്ത് വാങ്ങുന്നവർക്ക് 10% തൽക്ഷണ കിഴിവ് ലഭിക്കുമെന്നാണ് അറിയാൻ കഴിയുന്നത്.
ഇ-ടെയ്‌ലർ വിൽപ്പനയുടെ ഭാഗമായി ഫ്ലിപ്കാർട്ട് ഒരു വെബ്‌ പേജും സൃഷ്ടിച്ചിട്ടുണ്ട്. തെരഞ്ഞെടുത്ത ഇലക്‌ട്രോണിക്‌സ്, ആക്‌സസറികൾ എന്നിവയ്ക്ക് 80% വരെ കിഴിവ് ഈ വിൽപ്പനയിൽ നൽകുമെന്ന് പറയപ്പെടുന്നു. ഹെഡ്‌ഫോണുകൾ, സ്‌മാർട്ട്‌ഫോണുകൾ, വയർലെസ് ഇയർഫോണുകൾ തുടങ്ങിയവയുടെ ഡീലുകൾ ഇതിൽ ഉൾപ്പെടും. ടി വിയും മറ്റ് ഇലക്ട്രിക്കൽ ഉപകരണങ്ങളും 80% വരെ കിഴിവിൽ ലഭിക്കും. ഫ്ലിപ്പ്കാർട്ട് ബിഗ് ബില്യൺ ഡേയ്‌സ് 2022-ൽ എയർ കണ്ടീഷണറുകൾ 50% വരെ കിഴിവോടെ റീട്ടെയിൽ ചെയ്യുമെന്ന് പ്രതീക്ഷിക്കാം.
സ്‌മാർട്ട്‌ഫോണുകൾക്കും വമ്പിച്ച ഡീലുകൾ ഈ വിൽപ്പനയിൽ വാഗ്ദാനം ചെയ്യും. ആപ്പിൾ, സാംസങ്, റിയൽമി, വിവോ, പോക്കോ തുടങ്ങിയവയും മറ്റു ബ്രാൻഡുകളും ഫോണുകൾ ഇത് വാഗ്ദാനം ചെയ്യും. വിൽപ്പന സമയത്ത് പുതിയ സ്മാർട്ട്‌ഫോൺ ലോഞ്ചുകളും നമുക്ക് പ്രതീക്ഷിക്കാം. Flipkart Big Billion Days 2022 ഗെയിമിംഗ് ലാപ്‌ടോപ്പുകൾക്ക് 40% വരെ കിഴിവ് നൽകും. അതുപോലെ, പ്രിന്ററുകളും മോണിറ്ററുകളും വിൽപ്പനയിൽ 80% വരെ കിഴിവോടെ ലഭ്യമാകും.
മൊബൈൽ ഫോണുകൾ, ടാബ്‌ലെറ്റുകൾ, ലാപ്‌ടോപ്പുകൾ, ഓഡിയോ ആക്‌സസറികൾ എന്നിവയിലെ ഓഫറുകൾക്ക് പുറമെ, ബിഗ് ബില്യൺ ഡേയ്‌സ് വിൽപ്പനയിൽ വീട്ടുപകരണങ്ങൾ, അടുക്കള ഉപകരണങ്ങൾ, ജീവിതശൈലി ഉൽപ്പന്നങ്ങൾ, ഫാഷൻ, സൗന്ദര്യം, ഭക്ഷണം, കളിപ്പാട്ടങ്ങൾ, ഫർണിച്ചർ ഇനങ്ങൾ എന്നിവയ്ക്കും മറ്റും കിഴിവ് നൽകും. പലചരക്ക് ഉൽപ്പന്നങ്ങളിലും ഉപയോക്താക്കൾക്ക് ഓരോ പർച്ചേസിനും പോക്കറ്റ്-ഫ്രണ്ട്‌ലി ആക്കുന്നതിന് ഡീലുകളും കിഴിവുകളും ലഭിക്കും.
ഇപ്പോൾ ഫ്ലിപ്പ്കാർട്ട് ബിഗ് ബില്യൺ ഡേയ്‌സ് 2022 വിൽപ്പന പ്രഖ്യാപിച്ചു. അതേ സമയം എതിരാളിയായ ആമസോണും അതിന്റെ ഗ്രേറ്റ് ഇന്ത്യൻ ഫെസ്റ്റിവൽ വിൽപ്പന ഉടൻ പ്രഖ്യാപിക്കാൻ സാധ്യതയുണ്ട്.
