കേബിൾ കൊണ്ട് കെട്ടിയിട്ടു; ലൈംഗിക പീഡനം; കാമുകിയുടെ സ്വകാര്യ ഭാഗങ്ങളിൽ മുളക് തേച്ച് കാമുകൻ
കാമുകിയെ അതിക്രൂരമായി പീഡിപ്പിച്ച് സ്വകാര്യ ഭാഗങ്ങളിൽ മുളക് തേച്ച കാമുകനെതിരെ കേസ്. നികുഞ്ജ് കുമാർ അമൃത് ഭായ് പട്ടേൽ എന്നയാളാണ് കാമുകിയോട് ഈ കൊടുംക്രൂരത ചെയ്തത്. പരിക്കേറ്റ യുവതി ആശുപത്രിയിൽ ചികിത്സയിലാണ്. സൂറത്തിലാണ് സംഭവം.
പ്രതി വിവാഹിതനാണെന്ന കാര്യം മറച്ചുവച്ചാണ് യുവതിയുമായി പ്രണയത്തിലായതെന്നും ഇത് അറിഞ്ഞതോടെ പ്രണയത്തിൽ നിന്ന് പിന്മാറാൻ ശ്രമിച്ചതിനാണ് കാമുകിയെ ലൈംഗികമായി പീഡിപ്പിച്ച് സ്വകാര്യഭാഗങ്ങളിൽ മുളക് തേച്ചതെന്നുമാണ് പൊലീസ് പറയുന്നത്. വിവാഹിതനായ നികുഞ്ജും ഭാര്യയും പിരിഞ്ഞു താമസിക്കുകയാണ്. ഇതിനിടയിലാണ് മറ്റൊരു യുവതിയുമായി ഇയാൾ പ്രണയത്തിലായത്.
നികുഞ്ജ് വിവാഹിതനാണെന്ന് അറിഞ്ഞപ്പോൾ യുവതി ഇയാളുമായി വഴക്കിട്ട് പിരിയാമെന്ന തീരുമാനത്തിലെത്തി. എന്നാൽ നികുഞ്ജ് യുവതിയെ കേബിൾ ഉപയോഗിച്ച് കെട്ടിയിട്ട് പീഡിപ്പിക്കുകയായിരുന്നു. യുവതിയുടെ സ്വകാര്യ ചിത്രങ്ങൾ സമൂഹമാധ്യമങ്ങളിൽ പ്രചരിപ്പിക്കുമെന്നും ഇയാൾ ഭീഷണിപ്പെടുത്തി. ഗുരുതരമായി പരിക്കേറ്റ യുവതി ആശുപത്രിയിലെത്തുകയും ആശുപത്രി അധികൃതർ വിവരം പൊലീസിൽ അറിയിക്കുകയുമായിരുന്നു. പിന്നാലെ പ്രതിയെ പൊലീസ് പിടികൂടി.
