തന്നെ ആദരിക്കുന്ന പരിപാടി, വെറും രണ്ട് മണിക്കൂര്‍; ആവശ്യപ്പെട്ടത് 13 ലക്ഷം; മീനയ്‌ക്കെതിരെ നടന്‍ ബയല്‍വാന്‍
വിവാദനടന്‍ ബയല്‍വാന്‍ രംഗനാഥന്റെ പുതിയ വെളിപ്പെടുത്തല്‍ സോഷ്യല്‍ മീഡിയയില്‍ വൈറലാകുന്നു. 40 വര്‍ഷം പൂര്‍ത്തിയാക്കിയതിന് പിന്നാലെ മീനയെ ആദരിക്കുന്ന പരിപാടിക്കായി മീന ലക്ഷങ്ങളാണ് ആവശ്യപ്പെട്ടതെന്നു ആരോപിച്ച് രംഗത്ത് വന്നിരിക്കുകയാണ് രംഗനാഥന്‍.
ആദ്യം പരിപാടിയെക്കുറിച്ച് സംസാരിച്ചപ്പോള്‍ അതില്‍ പങ്കെടുക്കാന്‍ വിസമ്മതിച്ച മീന ആ തുക നല്‍കാമെന്ന് സംഘാടകര്‍ പറഞ്ഞതോടെ സമ്മതം മൂളുകയായിരുന്നുവെന്നും നടന്‍ വ്യക്തമാക്കി.
രാത്രി 8 മണി മുതല്‍ 10 മണി വരെ, രണ്ടു മണിക്കൂര്‍ പ്രോഗ്രാമിനായി 13 ലക്ഷം രൂപ പ്രതിഫലമായി നല്‍കാമെന്ന് സ്വകാര്യ യൂട്യൂബ് ചാനല്‍ സമ്മതിക്കുകയായിരുന്നു. ഇതോടെയാണ് മീന പരിപാടിയില്‍ പങ്കെടുക്കാന്‍ സമ്മതിച്ചതെന്നും രജനികാന്തിനെ പരിപാടിയില്‍ കൊണ്ടുവന്നത് മീനയാണെന്നും ബയില്‍വാന്‍ രംഗനാഥന്‍ പറഞ്ഞു.
മലയാളത്തില്‍ അടക്കം ടെലിവിഷന്‍ ഷോകളുടെ ഭാഗമായ മീന അമൃത ടിവിയിലെ അമ്മയും മകളും എന്ന പരിപാടിയിലും മഴവില്‍ മനോരമയിലെ എന്റെ അമ്മ സൂപ്പറാ എന്ന പരിപാടിയിലും ജഡ്ജായി ഇപ്പോള്‍ എത്തുന്നുണ്ട്.
