നിരവധി ആരോഗ്യ ഗുണങ്ങള് അടങ്ങിയ ഒരു ഫലമാണ് കസ്റ്റാര്ഡ് ആപ്പിള് അഥവാ സീതപ്പഴം (ആത്തചക്ക). വിറ്റാമിനുകള്, ധാതുക്കള്, അയേണ്, കാത്സ്യം, പൊട്ടാസ്യം, മഗ്നീഷ്യം തുടങ്ങിയവയൊക്കെ സീതപ്പഴത്തില് അടങ്ങിയിട്ടുണ്ട്. സീതപ്പഴം കഴിക്കുന്നത് കൊണ്ടുള്ള ആരോഗ്യ ഗുണങ്ങള് എന്തൊക്കെയാണെന്ന് നോക്കാം. വിറ്റാമിന് സിയും ആന്റിഓക്സിഡന്റുകളും അടങ്ങിയ സീതപ്പഴം രോഗ പ്രതിരോധശേഷി കൂട്ടാന് സഹായിക്കും. ഫൈബര് ധാരാളം അടങ്ങിയ സീതപ്പഴം മലബന്ധം അകറ്റാനും ദഹനം മെച്ചപ്പെടുത്താനും സഹായിക്കും. കുടലിന്റെ ആരോഗ്യത്തിനും ഇവ നല്ലതാണ്. പൊട്ടാസ്യം ധാരാളം അടങ്ങിയ ഇവ രക്തസമ്മര്ദ്ദം നിയന്ത്രിക്കാനും ഹൃദയത്തിന്റെ ആരോഗ്യം സംരക്ഷിക്കാനും സഹായിക്കും. വിറ്റാമിന് എ അടങ്ങിയ സീതപ്പഴം കണ്ണുകളുടെ ആരോഗ്യത്തിനും മികച്ചതാണ്. സീതപ്പഴത്തില് ഇരുമ്പ് അടങ്ങിയിട്ടുണ്ട്. അതിനാല് ഇവ വിളര്ച്ചയുള്ളവര്ക്ക് കഴിക്കാവുന്ന മികച്ച പഴമാണ്. കലോറി കുറഞ്ഞ സീതപ്പഴം വണ്ണം കുറയ്ക്കാന് ആഗ്രഹിക്കുന്നവര്ക്ക് ഡയറ്റില് ഉള്പ്പെടുത്താം. വിറ്റാമിന് സിയും ആന്റി ഓക്സിഡന്റുകളും ധാരാളം അടങ്ങിയ സീതപ്പഴം ചര്മ്മത്തിന്റെ ആരോഗ്യത്തിനും വളരെ നല്ലതാണ്.
