ഡൽഹി: ഹൈവേകളിൽ ഇരുചക്ര വാഹനങ്ങൾക്കും ടോൾ ഏർപ്പെടുത്താൻ കേന്ദ്ര സർക്കാർ ഒരുങ്ങുന്നുവെന്ന പ്രചരണത്തിൽ വിശദീകരണവുമായി കേന്ദ്ര ഉപരിതല ഗതാഗത വകുപ്പ് മന്ത്രി നിതിൻ ഗഡ്കരി.
നാഷണൽ ഹൈവേ അതോറിറ്റി ഇത് സംബന്ധിച്ച് യാതൊരു നിർദേശവും നൽകിയിട്ടില്ലെന്നും തെറ്റായ പ്രചാരണമാണ് നടക്കുന്നതെന്നുമാണ് മന്ത്രി അറിയിച്ചിരിക്കുന്നത്. ഇരുചക്ര വാഹനങ്ങളിൽ നിന്ന് ടോൾ പിരിക്കുന്ന കാര്യം സർക്കാർ ചർച്ച ചെയ്തിട്ടില്ലെന്നും മന്ത്രി അറിയിച്ചു.
ദേശീയ പാതകളിൽ ഇരുചക്ര വാഹനങ്ങൾക്കുള്ള ടോൾഫ്രീ യാത്ര അവസാനിക്കുന്നുവെന്ന തരത്തിലായിരുന്നു മാധ്യമ വാർത്തകൾ പ്രത്യക്ഷപ്പെട്ടിരുന്നത്.
2025 ജൂലായ് 15 മുതൽ ഹൈവേ എൻട്രി പോയന്റുകളിൽ ടോൾ ഫീസ് ഏർപ്പെടുത്തുമെന്നെല്ലാമായിരുന്നു റിപ്പോർട്ടുകൾ.
നിലവിലെ സാഹചര്യത്തിൽ രാജ്യത്തെവിടെയും ഇരുചക്ര വാഹനങ്ങൾക്ക് ടോൾ ഏർപ്പെടുത്തിയിട്ടില്ല. ഈ സ്ഥിതി തുടരുമെന്നാണ് മന്ത്രി നിതിൻ ഗഡ്കരി പറയുന്നത്.
