തിരുവനന്തപുരം: കെ.എസ്.ആർ.ടി.സി ബസിടിച്ച് 62 കാരിക്ക് ദാരുണാന്ത്യം. സെക്രട്ടേറിയറ്റിന് മുന്നിലാണ് അപകടം. പേയാട് സ്വദേശി ഗീതയാണ് മരിച്ചത്. സിഗ്നലിന് സമീപത്ത് വച്ച് റോഡ് മുറിച്ച് കടക്കുന്നതിനിടെയാണ് ബസ് ഇടിച്ച് തെറിപ്പിച്ചത്.
രാവിലെ ഒൻപത് മണിയോടെയാണ് അപകടം. ഗീതയും ഭർത്താവും കൈപിടിച്ചാണ് റോഡ് മുറിച്ചു കടന്നത്. തമ്പാനൂർ ഭാഗത്ത് നിന്നും പാളയം ഭാഗത്തേക്ക് പോകുന്ന ബസാണ് ഗീതയെ ഇടിച്ച് തെറിപ്പിച്ചത്. ഇടിയുടെ ആഘാതത്തിൽ റോഡിൽ വീണ ഗീതയുടെ ശരീരത്തിലൂടെ ബസ് കയറി ഇറങ്ങുകയായിരുന്നു. അപകട സ്ഥലത്ത് വച്ച് തന്നെ ഗീതയുടെ മരണം സംഭവിച്ചിരുന്നു.
