സ്തനാർബുദത്തെ ചെറുക്കാൻ കഴിക്കേണ്ട ഭക്ഷണങ്ങൾ. സ്തനാർബുദത്തെ ചെറുക്കാൻ കഴിക്കേണ്ട 7 ഭക്ഷണങ്ങൾ. ഇന്ത്യയിലെ യുവതികൾക്കിടയിൽ സ്തനാർബുദം വർദ്ധിക്കുന്നതായി വിദഗ്ധർ. ജീവിതശൈലി ഘടകങ്ങൾ, മോശം പോഷകാഹാരം, ഉയർന്ന സംസ്കരിച്ച ഭക്ഷണങ്ങളുടെ ഉപഭോഗം, പരിസ്ഥിതി മലിനീകരണം, ഉദാസീനമായ ജീവിതശൈലി എന്നിവ ബ്രെസ്റ്റ് ക്യാൻസർ സാധ്യത കൂട്ടുന്നു. സ്തനാർബുദത്തെ ചെറുക്കാൻ കഴിക്കേണ്ട ഭക്ഷണങ്ങളിതാ… സ്തനാർബുദം തടയുന്നതിനുള്ള ഏറ്റവും നല്ല ഭക്ഷണമാണ് ഇലക്കറികൾ. വിറ്റാമിൻ കെ, ബീറ്റാ കരോട്ടിൻ, ല്യൂട്ടിൻ, സിയാക്സാന്തിൻ, മറ്റ് ഫൈറ്റോ ന്യൂട്രിയൻ്റുകൾ എന്നിവ ഇതിൽ അടങ്ങിയിട്ടുണ്ട്. ഓറഞ്ച്, നാരങ്ങ, മുന്തിരിപ്പഴം തുടങ്ങിയ സിട്രസ് പഴങ്ങളിൽ വിറ്റാമിൻ സി, ആൻ്റിഓക്‌സിഡൻ്റുകൾ എന്നിവ ധാരാളം അടങ്ങിയിട്ടുണ്ട്. ഇത് രോഗപ്രതിരോധ സംവിധാനത്തെ ശക്തിപ്പെടുത്തുക ചെയ്യുന്നു. സ്‌ട്രോബെറി, ബ്ലൂബെറി, റാസ്‌ബെറി തുടങ്ങിയ ബെറിപ്പഴങ്ങളിൽ ആന്തോസയാനിൻ, വിറ്റാമിൻ സി തുടങ്ങിയ ആൻ്റിഓക്‌സിഡൻ്റുകൾ അടങ്ങിയിട്ടുണ്ട്. ഇത് ഓക്‌സിഡേറ്റീവ് സ്‌ട്രെസിനെ കുറയ്ക്കുന്നു. ക്യാൻസർ കോശങ്ങളുടെ വളർച്ച തടയുകയും ഡിഎൻഎ തകരാറിൽ നിന്ന് സംരക്ഷിക്കുകയും ചെയ്യുന്ന ക്വെർസെറ്റിൻ എന്ന ആൻ്റിഓക്‌സിഡൻ്റുകൾ ആപ്പിളിൽ അടങ്ങിയിരിക്കുന്നു. മുന്തിരിയിൽ റെസ്‌വെറാട്രോൾ അടങ്ങിയിട്ടുണ്ട്. ഇത് സ്തനാർബുദം തടയുന്നതിനുള്ള മികച്ച ഭക്ഷണങ്ങളിലൊന്നാണ്. സാൽമൺ, അയല, മത്തി തുടങ്ങിയ കൊഴുപ്പുള്ള മത്സ്യങ്ങളിൽ ഒമേഗ -3 ഫാറ്റി ആസിഡുകൾ അടങ്ങിയിട്ടുണ്ട്. ഇത് വീക്കം കുറയ്ക്കുകയും അസാധാരണമായ കോശ വളർച്ച തടയുകയും ചെയ്യുന്നു. മഞ്ഞൾ, ഇഞ്ചി, കറുവപ്പട്ട, റോസ്മേരി തുടങ്ങിയ ഔഷധസസ്യങ്ങളും സുഗന്ധവ്യഞ്ജനങ്ങളും ക്യാൻസറിനെ പ്രതിരോധിക്കുന്ന ഗുണങ്ങൾ നൽകുന്നു.
