ഇപ്പോൾ വാങ്ങിയാൽ കോളടിച്ചു, താങ്ങാവുന്ന വിലയുള്ള സൂപ്പർ ബൈക്കിന് വീണ്ടും വിലക്കുറവ്, പ്രഖ്യാപനവുമായി ട്രയംഫ്

ട്രയംഫ് മോട്ടോർസൈക്കിൾസ് ഇന്ത്യ അതിൻ്റെ ഏറ്റവും താങ്ങാനാവുന്ന മോട്ടോർസൈക്കിളായ സ്പീഡ് T4- ന് മികച്ച ഓഫർ പ്രഖ്യാപിച്ചു. 18,000 രൂപയാണ് ബൈക്കിൻ്റെ വില കമ്പനി കുറച്ചത്. ഈ മോട്ടോർസൈക്കിൾ നിലവിൽ 1.99 ലക്ഷം രൂപ എക്സ്-ഷോറൂം വിലയിൽ ലഭ്യമാണ്. ഇതിന് മുമ്പ് 2.17 ലക്ഷം രൂപയായിരുന്നു ഈ ബൈക്കിന്‍റെ എക്സ്-ഷോറൂം വില. ഈ ഓഫർ 2024 ഡിസംബർ 14 മുതൽ സ്റ്റോക്ക് നിലനിൽക്കുന്നതുവരെ സാധുവായിരിക്കും. ട്രയംഫ് സ്പീഡ് T4-ന് വിപണിയിൽ മികച്ച പ്രതികരണം ലഭിക്കാത്തതിനാലാണ് ഈ ഓഫർ അവതരിപ്പിച്ചത് എന്ന് ബൈക്ക് വെയ്‍ൽ റിപ്പോർട്ട് ചെയ്യുന്നു. ട്രയംഫിൻ്റെ 400 സിസി ബൈക്കുകളുടെ വിൽപ്പന പ്രതിമാസം 10,000 യൂണിറ്റായി ഉയർത്താനാകുമെന്ന് കമ്പനി പ്രതീക്ഷിക്കുന്നു. സ്പീഡ് T4 സ്പീഡ് 400 അടിസ്ഥാനമാക്കിയുള്ളതാണ്. എന്നാൽ കൂടുതൽ താങ്ങാനാവുതാണ്. 399 സിസി, സിംഗിൾ സിലിണ്ടർ, ലിക്വിഡ് കൂൾഡ് എൻജിനാണ് ബൈക്കിന് കരുത്തേകുന്നത്, എന്നാൽ അതിൻ്റെ ശക്തിയും ടോർക്കും കുറവാണ്. 85 ശതമാനം ടോർക്കും 2500 ആർപിഎമ്മിൽ ലഭ്യമാണെന്ന് കമ്പനി അവകാശപ്പെടുന്നു. ഈ മോട്ടോർ 6-സ്പീഡ് ഗിയർബോക്സുമായി ഘടിപ്പിച്ചിരിക്കുന്നു. ട്രയംഫ് സ്പീഡ് T4 അതിൻ്റെ ഡിസൈൻ ഭാഷ കൂടുതൽ പ്രീമിയം സ്പീഡ് 400- മായി പങ്കിടുന്നു . വൃത്താകൃതിയിലുള്ള എൽഇഡി ഹെഡ്‌ലാമ്പ്, വേറിട്ട ഇന്ധന ടാങ്ക്, സിംഗിൾ പീസ് സീറ്റ്, അലോയ് വീലുകൾ, സെമി-ഡിജിറ്റൽ ഇൻസ്ട്രുമെൻ്റ് ക്ലസ്റ്റർ എന്നിവ ഇതിൻ്റെ സവിശേഷതകളാണ്. ടെയിൽ ലാമ്പും മറ്റ് ഡിസൈൻ ഘടകങ്ങളും അതിൻ്റെ സഹോദരങ്ങളായ സ്പീഡ് 400-മായി സ്ഥിരത പുലർത്തുന്നു. എന്നിരുന്നാലും, മെറ്റാലിക് വൈറ്റ്, ഫാൻ്റം ബ്ലാക്ക്, കോക്ക്‌ടെയിൽ റെഡ് വൈൻ എന്നിവയുൾപ്പെടെ വ്യത്യസ്ത വർണ്ണ ഓപ്ഷനുകളും ഗ്രാഫിക്സും ഉപയോഗിച്ച് സ്പീഡ് T4 വ്യത്യസ്തമാണ്. സ്പീഡ് T4-ൽ മുൻവശത്ത് ടെലിസ്‌കോപ്പിക് ഫോർക്കും മോണോഷോക്ക് പിൻ സസ്‌പെൻഷനും സജ്ജീകരിച്ചിരിക്കുന്നു. ഇതിൻ്റെ ബ്രേക്കിംഗ് സിസ്റ്റത്തിൽ 4-പിസ്റ്റൺ റേഡിയൽ കാലിപ്പറുള്ള 300 എംഎം ഫ്രണ്ട് ഡിസ്കും ഫ്ലോട്ടിംഗ് കാലിപ്പറുള്ള 230 എംഎം റിയർ ഡിസ്കും ഉൾപ്പെടുന്നു. മുൻവശത്ത് 110/70-R17 വലിപ്പവും പിന്നിൽ 140/70-17 വലിപ്പവുമുള്ള എംആർഎഫ് നൈലോഗ്രിപ്പ് സാപ്പർ ടയറിലാണ് മോട്ടോർസൈക്കിൾ ഓടുന്നത്.