പ്രമേഹം ഒരു ജീവിതശൈലീരോഗമാണ്. രക്തത്തിലെ പഞ്ചസാരയുടെ അളവ് ക്രമാതീതമായി ഉയരുന്ന അവസ്ഥയാണ് പ്രമേഹം. മിക്കവരിലും ഇന്ന് കണ്ടുവരുന്നത് ‘ടൈപ്പ് 2’ പ്രമേഹമാണ്. പ്രമേഹത്തിന്‍റെ ചില ലക്ഷണങ്ങളെ തിരിച്ചറിയാം. ചര്‍മ്മം വരണ്ടതാകുന്നത് പ്രമേഹത്തിന്‍റെ സൂചനയാകാം. ബ്രൗണ്‍ നിറത്തിലായി തൊലിപ്പുറത്ത് കാണപ്പെടുന്ന ചെറിയ പാടുകള്‍ ചിലപ്പോള്‍ പ്രമേഹത്തിന്‍റെ സൂചനയാകാം. ചിലരില്‍ ചര്‍മ്മത്ത് ചൊറിച്ചിലും വരാം. അതും നിസാരമായി കാണേണ്ട. മുറിവുകള്‍ ഉണങ്ങാന്‍ സമയമെടുക്കുന്നതും പ്രമേഹത്തിന്‍റെ സൂചനയാകാം. കൈ- കാലുകള്‍ മരവിക്കുന്നതും രക്തത്തിലെ പഞ്ചസാര കൂടുന്നതിന്‍റെ സൂചനയാകാം. അമിത വിശപ്പും പ്രമേഹത്തിന്‍റെ ലക്ഷണമാകാം. അമിതമായ ദാഹം, ഇടയ്ക്കിടെ മൂത്രമൊഴിക്കാന്‍ തോന്നുക എന്നിവ പ്രമേഹത്തിന്‍റെ ആദ്യ ലക്ഷണങ്ങളാണ്. മേൽപ്പറഞ്ഞ ലക്ഷണങ്ങൾ കാണുന്നപക്ഷം സ്വയം രോഗ നിർണയത്തിന് ശ്രമിക്കാതെ നിർബന്ധമായും ഡോക്ടറെ ‘കൺസൾട്ട്’ ചെയ്യുക. ഇതിന് ശേഷം മാത്രം രോഗം സ്ഥിരീകരിക്കുക.
