ഇന്ത്യൻ വിപണിയിൽ, ആളുകൾ സാമ്പത്തികമായി ലാഭകരവും നല്ല മൈലേജ് നൽകുന്നതുമായ ബൈക്കുകൾക്കായി തിരയുന്നു. ഇതിലൊന്നാണ് ഹോണ്ട എസ്‍പി 125 ബൈക്ക്. ഇതിന്റെ ബജറ്റും മൈലേജും സാധാരണക്കാരർക്ക് മികച്ചതാണ്. ഈ ഹോണ്ട ബൈക്കിന്റെ വില, സവിശേഷതകൾ, പവർട്രെയിൻ എന്നിവയെക്കുറിച്ച് വിശദമായി അറിയാം. ഹോണ്ട എസ്‍പി 125 ന്റെ ഇന്ത്യൻ വിപണിയിലെ എക്സ്-ഷോറൂം വില 85,131 രൂപയിൽ നിന്ന് 89,131 രൂപ വരെ ഉയരുന്നു. ഈ ഹോണ്ട മോട്ടോർസൈക്കിൾ ഡ്രം, ഡിസ്‍ക് എന്നീ രണ്ട് വേരിയന്റുകളിലാണ് വരുന്നത്. എബിഎസിനൊപ്പം ഡിസ്‍ക് ബ്രേക്ക് സൗകര്യവും ഈ ബൈക്കിൽ ലഭ്യമാണ്. ഹോണ്ട എസ്‍പി 125 ന്റെ ഓൺ-റോഡ് വില എത്ര? ഹോണ്ട SP 125 ന്റെ അടിസ്ഥാന വേരിയന്‍റിന് 1,14,680 രൂപയാണ് തിരുവനന്തപുരത്തെ ഓൺ റോഡ് വില. ഈ വിലയിൽ 12,747 രൂപയുടെ ആർ‌ടി‌ഒയും 7,455 രൂപയുടെ ഇൻഷുറൻസ് തുകയും മറ്റ് ചാർജ്ജുകളും ഉൾപ്പെടുന്നു. ഉൾപ്പെടുന്നു. 5,000 രൂപ ഡൗൺ പേയ്‌മെന്റിൽ നിങ്ങൾക്ക് ഈ ബൈക്ക് വാങ്ങാനും കഴിയും. ഇതിനായി നിങ്ങൾ എല്ലാ മാസവും എത്ര ഇഎംഐ അടയ്ക്കേണ്ടിവരുമെന്ന് അറിയാം. പ്രതിമാസം എത്ര ഇഎംഐ അടയ്‌ക്കേണ്ടിവരും? ഡൗൺ പേയ്‌മെന്റ് അടച്ചതിനുശേഷം, നിങ്ങൾ 1,09,680 രൂപ ബൈക്ക് വായ്പ എടുക്കേണ്ടിവരും. ഒമ്പത് ശതമാനം പലിശ നിരക്കിൽ വായ്പ എടുക്കുകയാണെങ്കിൽ, അഞ്ച് വർഷത്തേക്ക് എല്ലാ മാസവും 2,651 രൂപ ഇഎംഐ അടയ്‌ക്കേണ്ടിവരും. ഒമ്പത് ശതമാനം പലിശ നിരക്കിൽ മൂന്നു വർഷത്തേക്കാണ് ലോൺ എങ്കിൽ 3,869 രൂപയായിരിക്കും ഇഎംഐ. ശ്രദ്ധിക്കേണ്ട ഒരു കാര്യം, നഗരങ്ങളെയും ഡീലർഷിപ്പുകളെയും ആശ്രയിച്ച് വില വ്യത്യാസപ്പെടാം എന്നതാണ്. മാത്രമല്ല നിങ്ങളുടെ ഡൌൺ പെമെന്‍റും പലിശ നിരക്കുകളും നിങ്ങളുടെ ക്രെഡിറ്റ് സ്‍കോറിനെയും അതാത് ബാങ്കുകളുടെ നിയമങ്ങളയെുമൊക്കെ അടിസ്ഥാനമാക്കി വ്യത്യാസപ്പെടാം. അതുകൊണ്ടുതന്നെ ലോൺ പേപ്പറിൽ ഒപ്പിടുന്നിതന് മുമ്പ് ബാങ്ക് നൽകുന്ന ഡോക്യുമെന്‍റുകൾ എല്ലാം വിശദമായി വായിച്ച് മനസിലാക്കുക. ഈ ഹോണ്ട ബൈക്കിന് 123.94 സിസി സിംഗിൾ സിലിണ്ടർ ബിഎസ് 6, ഒബിഡി2 കംപ്ലയിന്റ് പിജിഎം-എഫ്ഐ എഞ്ചിൻ ലഭിക്കുന്നു. ഈ എഞ്ചിൻ 8kW പവറും 10.9 Nm ടോർക്കും ഉത്പാദിപ്പിക്കാൻ പ്രാപ്തമാണ്. ഒരു ലിറ്റർ പെട്രോളിൽ 65 കിലോമീറ്റർ വരെ ഓടാൻ ഈ ഹോണ്ട ബൈക്കിന് കഴിയുമെന്ന് കമ്പനി പറയുന്നു. ഈ കണക്ക് അനുസരിച്ച് ഒരു തവണ ടാങ്ക് നിറച്ചാൽ ഏകദേശം 700 കിലോമീറ്റർ ദൂരം സഞ്ചരിക്കാം. ലോമീറ്റർ വരെ ഓടാൻ ഈ ഹോണ്ട ബൈക്കിന് കഴിയുമെന്ന് കമ്പനി പറയുന്നു. ഹോണ്ട SP 125 ന്റെ വർണ്ണ വകഭേദങ്ങളെക്കുറിച്ച് പറയുകയാണെങ്കിൽ, ഇത് ഡീസെന്റ് ബ്ലൂ മെറ്റാലിക്, ഹെവി ഗ്രേ മെറ്റാലിക് പെയിന്റ് സ്കീമിൽ ലഭ്യമാണ്. അതേസമയം, ഇതിന്റെ സവിശേഷതകളെ കുറിച്ച് പറയുകയാണെങ്കിൽ, ഒരു എൽഇഡി ഹെഡ്‌ലാമ്പ്, ഗിയർ, ഫുൾ ഡിജിറ്റൽ ക്ലസ്റ്റർ എന്നിവയും ഇതിൽ ഉൾപ്പെടുത്തിയിട്ടുണ്ട്.
