ഇന്ത്യൻ വാഹന വ്യവസായത്തിൽ എസ്‌യുവികൾക്ക് ഡിമാൻഡ് കൂടിക്കൊണ്ടിരിക്കുകയാണ്. ഉയർന്ന റൈഡിംഗ് അനുഭവം കാരണം സെഡാനുകളോ ഹാച്ച്ബാക്കുകളോ പോലുള്ള മറ്റ് തരത്തിലുള്ള വാഹനങ്ങളെ അപേക്ഷിച്ച് ഇന്ത്യൻ ജനത എസ്‌യുവികളാണ് ഇഷ്‍ടപ്പെടുന്നത്. ഡ്രൈവിംഗ് സുഖത്തിനൊപ്പം എസ്യുവികൾ മികച്ച ഗ്രൗണ്ട് ക്ലിയറൻസും വാഗ്ദാനം ചെയ്യുന്നു. എസ്‌യുവികൾക്കൊപ്പം, മാനുവൽ കാറുകളേക്കാൾ ഓട്ടോമാറ്റിക് വാഹനങ്ങൾക്കും ഡിമാൻഡ് വർദ്ധിച്ചുകൊണ്ടിരിക്കുകയാണ്. ഓട്ടോമാറ്റിക്ക് വാഹനങ്ങളും സുഖകരവും സൗകര്യപ്രദവുമായ ഡ്രൈവിംഗ് അനുഭവം പ്രദാനം ചെയ്യുന്നു.
